26 Тамыз 2013, 05:01
Башқұртстан Республикасының күні. 1990 жылы Башқұрт АКСР-інің тәуелсіздігі туралы декларация қабылданды. Бүгінде Башқұртстан Республикасы 1992 жылдан бері Ресей Федерациясының құрамында болып келеді.
Ирландия Республикасының Ұлттық мейрамы - Конституция күні (1922). Ирландия - Батыс Еуропада орналасқан мемлекет. Астанасы - Дублин қаласы. Ресми тілі - ирланд және ағылшын тілдері. Ақша бірлігі - ирланд фунты. Ирландия Республикасы бұл аталмыш күнді 1922 жылдан бері тойлап келеді.
Аргентинада мұғалімдер күні.
Бұл атаулы күн Ұлы ағартушы, елдің бұрынғы президенті Доминго Фаустино Сармьентоның (1811-1888) қайтыс болған күніне орай жыл сайын атап өтіледі.
Табиғи апаттар қаупін азайтудың халықаралық күні. Бұл атаулы күн БҰҰ Бас Ассамблеясының шешімімен қазанның екінші сәрсенбісінде атап өтіледі. БҰҰ-на мүше барлық мемеокеттер атаулы күді арнайы іс-шаралар ұйымдстырып өткізеді.
1961 жылы Семей полигонында алғаш рет жер асты ядролық жарылыс жасалды (КСРО-ның жер үстіндегі ядролық жарылысы да осы Семей жерінде 1949 жылы тамыздың 29-да жасалған болатын).
1973 жылы Алматы адвокаттар алқасы құрылды.
1992 жылы «Еврей мәдени орталығы» қоғамдық ұйымы құрылды.
1994 жылы «Қазақтелеком» ААҚ компаниясы құрылды.
1968 жылы бортында адам бар американдық ғарыш кемесі «Аполлон - 7» көкке ұшырылды. Экипаж командирі - Уолтер Ширра. Әуеге жіберуге дайындық кезінде үш ғарышкердің өліміне соқтырған қайғылы оқиғадан кейін Америка осыған дейін ұшырған ғарыш кемелерін сырттан басқарып отырған болатын. Сәтті аяқталған осы іс американдықтардың адамды айға қондыру бағдарламасының құтты қадамы болды.
1997 жылы Қазақстанда «Қазақстан-2030» стратегиялық бағдарламасы қабылданды.
2004 жылы Алматыда Қазақ ұлттық аграрлық университетінің О.Жарылқапов атындағы спорт кешенінің ашылу салтанаты болып өтті. Бұл шараға Қазақстан Республикасы волейбол федерациясының президенті Нұртай Әбіқаев қатысты. Октябрь Жарылқапов - еліміздің әйгілі волейболшысы, волейболдан Қазақстанның бірінші еңбек сіңірген жаттықтырушысы. Кешеннің ашылу күніне орай Алматы қаласы ардагерлер командалары арасында турнир болып өтті.
1949 жылы Дүниежүзілік Медицина қауымдастығының Бас Ассамблеясында алғашқы халықаралық медицина этикасы кодексі қабылданды.
1997 жылы Қазақстан Республикасы Қарулы Күштерінің Әскери академиясы құрылды.
2007 жылы Елбасы Нұрсұлтан Назарбаев «Шоқан Уәлиханов» желкенді кемесіне қазақстандық тұңғыш экспедицияның дүниежүзілік теңіз саяхатына жолдама берді.
Мемлекет басшысы экипаж мүшелеріне Қазақстан туын табыс етті. Бұдан кейін Қазақстанның Әнұраны орындалып, кемеде мемлекетіміздің туы көтерілді. Президент дүниежүзілік саяхатқа шыққан экипаж мүшелеріне сәт-сапар тіледі.
2007 жылы Елбасы Каспийдегі жаңа «Ақтау Сити» қаласының алғашқы іргетасын қалады.
«Ақтау Ситиде» 4 млн. шаршы метрден астам тұрғын үй салынады. Тәуелсіздік аллеясы бой көтереді. Көптеген мәдениет және білім беру нысандары, бизнес орталықтар, қазіргі заманғы кәсіпорындар салынады.
Жобаның ашылу салтанатына Біріккен Араб Әмірліктерінің сыртқы істер министрі шейх Абдулла бин Заид әл-Нахайан, Әбу-Даби Мәдениет басқармасының төрағасы шейх Сұлтан бин Тахнун әл-Нахайан қатысты.
2007 жылы Астанада Дүниежүзі қазақтары қауымдастығының өкілдерімен бірлесіп шығарылған «Туған тіл» журналының тұсауы кесілді.
Бұл басылым алғаш рет араб, латын және қазақ тілдерінде шығарылып отыр. Журналды шығару шет елдік қандастарымызға деген қамқорлықтың көрінісі.