23 Тамыз 2013, 09:50
Ливан Республикасының Ұлттық мейрамы – Тәуелсіздік күні (1943). Ливан – Батыс Азияда, Жерорта теңізінің шығыс жағалауында орналасқан мемлекет. Астанасы – Бейрут қаласы. Мемлекеттік тілі – араб тілі. Ақша бірлігі – ливр. Қазақстан Республикасы мен Ливан Республикасы арасындағы дипломатиялық қарым-қатынас 1993 жылғы сәуірдің 20-ында орнатылды. АҚШ-та Джон Кеннедиді еске алу күні. 43 жыл бұрын АҚШ президенті, мемлекеттік қайраткер Джон Фицжеральд Кеннеди (1917-1963) қастандық құрбаны болды.
Украинаның азаттық күні. 2005 жылғы 19 қарашада Украина Президентінің Жарлығымен бекітілген. Жыл сайын демократия құндылықтарын бекіту және халықты ұлттық абыройлылық сезімде тәрбиелеу мақсатында атап өтіледі. Армения банк қызметкерінің күні . 2003 жылғы 22 қарашада Армения Үкіметімен бекітілген. Әзірбайжан әділет қызметкерлерінің күні . 2000 жылғы 11 қарашада Әзірбайжан Президентінің Жарлығымен бекітілген.
2005 жылы Алматыда Ұлттық кітапхана құрылтайшысы болып отырған сыни-сараптамалық «Айт» art-журналының алғашқы саны жарыққа шықты.
Ай сайын шығатын басылымда өнер әлеміндегі: театр, кино, музыка саласындағы елең етер жаңалықтар мен тарихи зерттеулер, сондай-ақ мәдениет тақырыбындағы өзекті пікірлер мен толғамдар жарық көретін болады. Журнал – екі тілде, оның таралымы – бір мың дана, айына бір рет шығады.
2007 жылы Қазақстан Республикасының Ұлттық академиялық кітапханасында мұнай мен газ жөніндегі электрондық оқырмандар залы ашылды. Жоба «Шеврон» компаниясының бастамасымен және қаржылай қолдауымен іске асты. Электронды кітапхана мұнай және мұнай газ скважиналарын бұрғылау және өңдеу, мұнай мен газ, мұнай-химия өндірісін қайта өңдеу және тасымалдау жөніндегі 2500 кітап бар. Мұнда қазақ, орыс және ағылшын тілдеріндегі мерзімді баспасөз де бар. 5 жыл бұрын (2007) Оралда №4 балалар-жасөспірімдер спорт мектебінің стадионы іске қосылды. Стадион 2500 орынға есептелген, барлық халықаралық стандарттарға сай жасалған. 5 жыл бұрын (2007) Румынияда мемлекеттік сапар барысында Қазақстан Республикасының Президенті Нұрсұлтан Назарбаев «Румыния Парламентінің Сенатына 140 жыл» медалімен марапатталды.
2007 жылы Братиславада Елбасы Нұрсұлтан Назарбаевтың «Қазақстандық жол» және «Сындарлы 10 жыл» кітаптарының словак тіліндегі таныстырылымы болды.
Шара Қазақстан басшысының Словакияға жасаған мемлекеттік сапары кезінде ұйымдастырылған қазақ-словак бизнес-форумының барысында өтті. Форумда сөз алған Н.Назарбаев «Қазақстандық жол» кітабында Қазақстанның тәуелсіздік алған 16 жыл ішінде жүріп өткен жолы туралы баяндалатынын айтты. «Кітапта біздің елдің тәуелсіз кезеңінде қиыншылықтарды қалай өткергеніміз, оны еңсеру үшін қандай шаралар қабылданғаны, қалай жұмыс жасағанымыз, соның барлығы жазылған», – деді Мемлекет басшысы. Елбасының айтуынша, «Сындарлы 10 жыл» кітабында Қазақстан үшін аса қиын болған өткен жүзжылдықтың соңғы 10 жылдығындағы жағдайлар сөз болады. «Кітапта Қазақстанның лаңкестікке, экстремизмге, есірткі саудасына қарсы күрестегі әлемдік қоғамдастықпен бірлесіп атқарған жұмыстары, жаппай қырып жоятын қарудан өз еркімен бас тартуы жөнінде ой-толғамдар бар», – деді Президент. Н. Назарбаев аталған кітаптарын бизнес-форумға қатысқан құрметті қонақтарға сыйға тартты.