13 Тамыз 2013, 05:41
«Қазақстан» ұлттық арнасы 2014 жылы Бразилияда өтетін футболдан әлем чемпионатын Қазақстан аумағында тарату үшін жөніндегі тендерді ұтып алды. Чемпионат келер жылы 12 маусым мен 13 шілде аралығында Бразилияның 12 қаласында өтеді.
«Қазақстан» РТРК» АҚ әлемдік деңгейдегі маңызы зор беделді футбол чемпионатын Қазақстан аумағына тарату құқығына осымен екінші рет ие болып отыр. Былтыр «Қазақстан» және «Бірінші арна Еуразия» телеарналары Украина мен Польшада өткен Еуропа чемпионатын көрсеткені белгілі. Бұл жобаны Қазақстан аумағында жүзеге асыру жұмыстарына УЕФА-дағы (Футбол Ассоциациясының Еуро Одағы) әріптестеріміз жоғары баға берді.
2014 FIFA World Cup футболдан өтетін әлем чемпионатын (барлығы 64 ойын) «Қазақстан», «Бірінші арна Еуразия» және «KAZsport» телеарналары көрсетеді. «Қазақстан», «Бірінші арна Еуразия» телеарналары 32 ойынды тікелей эфирден таратады. «KAZsport» телеарнасы «Қазақстан» және «Бірінші арна Еуразия» телеарналары таратқан 32 ойынды және Әлем чемпионатындағы 64 ойынды толық қайталап көрсетеді.
«Қазақстан» және «KAZsport» телеарнасы таратқан футбол ойындарын www.kaztrk.kz и www.kazsporttv.kz сайттары он-лайн түрінде де беріледі. Ойынның ашылу салтанаты мен футбол ойындарының басталуын «Қазақстан» және «KAZsport» телеарнасы тікелей эфир арқылы бермек. Үшінші орын үшінболатын тартыс да «Қазақстан» және «KAZsport» телеарналарында тікелей эфир арқылы көрерменге жол тартады. 13 шілде 2014 жылғы ақырғы , финалдық ойын мен жабылу салтанаты «Қазақстан» мен «Бірінші арна Еуразия» телеарналары тікелей эфир арқылы беріледі.
Сонымен қатар «Қазақстан» және «KAZsport» телеарнасы «Road to...» атты 20 бөлімнен тұратын (қалалар, Әлем чемпионаты өтетін стадиондар, ойынға қатысатын ұлттық құрамалар, жанкүйерлер, Әлем чемпионатының тарихы мен оның жеңістері туралы) футбол додасы алдындағы күнделік бағдарламаларды көрсетпек.