6 Шілде 2013, 08:40
Бүгін Астана күні мерекесіне орай Республикалық ІІІ-ші «Серпер» халық аспаптары оркестрі фестивалінің гала-концерті өтті деп хабарлайды Baq.kz тілшісі.
Еліміздің әр аймақтарынан келген халық аспаптары оркестерлері Астана мен қала қонақтарына Құрманғазы мен Динаның күйлерінен шашу шашты. Мерекелік салтанаттың ашылуында белгілі күйші Секен Тұрысбеков көрермендерге өз репетуарындағы халық күйлерін орындады. Сахнаға шыққан Қостанай облыстық филармониясы мен Жамбыл облыстық филармониясы ұжымының өнерлеріне көпшілік қауым тәнті болды. Бұл ұжымдар «Қазақ елі» монументі алаңын төкпе және шертпе күйлердің күмбірімен әуелетті. Аталған фестиваль ертең 2-ші күн қатарынан өз жалғасын табады.
Бақ.кз