28 Мамыр 2013, 06:11
Айтуға - ұят, айтпасаң - қиянат.
Ар-намыс, ұят туралы
Рухы мен намысы сөнген ел - өлген ел.
Ар-намыс, ұят туралы
Ұлттығыңды жойып, тіліңді кесіп, аузыңды буа берсе - қорқақ та боласың, бүгежек те, именшек те боласың.
Ар-намыс, ұят туралы
Әлі күнге дейін кешегі империя етігінің темір өкшесін аңсайтындар бар.
Қоғам, мемлекет, заман туралы
«Желтоқсан» - тек Колбинге ғана қарсылық емес. Бұл - империялық қорлыққа, зорлыққа қарсылық. «Мен - қазақпын!» деп қасқая тұрып айта алмай, тілі байланып, аузы буылған азапқа қарсылық.
Қоғам, мемлекет, заман туралы
«Репатрианттар». Көші-қон туралы заң жобасында осы терминді «оралмандар» деп аударыпты. Мән-мағынасы жетімсіздеу. Қуғын-сүргін көріп барып - Отанына қайта оралатындар болады. Шет елге саяхаттап, қыдырыстап, немесе қызмет бабымен барып - оралатындар болады. Ал репатрианттар - соғыста тұтқынға түскендер, қуғын-сүргін, зорлық- зомбылық көргендер. Солардың өз Отанына оралуы.
Отан, туған жер туралы
Өкініш түбі - өрт.
Өкініш туралы
Заң - мемлекеттің тоғыз қабат, тор көзді сауыты.
Қоғам, мемлекет, заман туралы
Баласыз адам - бақытсыз адам.
Адам өмірі туралы
Армансыз қоғам - үміті үзілмеген қоғам.
Қоғам, мемлекет, заман туралы
Заңның - азы, орындалуының - көбі ләзім.
Заң туралы
Ұлтсыздық - отансыздықтың белгісі.
Отан, туған жер туралы
«Тәуелді» деген ұғымды тудырған күштілер мен озбырлар.
Тәуелсіздік туралы
Сенім жоғалған өмір -сергелдең өмір.
Қоғам, мемлекет, заман туралы
Сақтасаң - қазаққа жау болған қазақтан сақта!
Сақтық туралы
Шикі долбар - шикі ойдан туады.
Ақыл-ой туралы
Рухани әлемі кең, рухы биік ел - қайсар ел. Ондай елді ешкім жеңе алмайды. Рухы сынған, рухани жүдеген елді жеңу де - жеңіл.
Ынтымақ-бірлік, татулық туралы
Әскерге - мылтықтан бұрын, тәртіп пен иман үйрету керек.
Адам өмірі туралы
Тәуелсіздік - адам құнымен өлшенеді.
Ел, халық туралы
Театр көбейсе - түрме азаяды.
Театр туралы
Күнәнің ең үлкені - жас баланы алдау.
Тәлім-тәрбие, өсиет, тағлым туралы
Құдай сорлатқанда, қазір бесік жыры айтылмайды. Ертек айтып берер ата мен әже де берекесіздеу. Бәрі де - кешегі кеңестік жүйенің «жемістері».
Адам өмірі туралы
Қазіргі «жазушымын» деп шіренгендердің көбінің тілінде уыз кемшін. Уызға жарымай, көк базардан көк шалап ішкендер.
Ақын-жазушы туралы
Тура келген ажалға амал жоқ. Ал тежей тұруға болатын сәтте көпе- көрнеу қол ұшын бермеу - нағыз тасқұдайлық.
Адам өмірі туралы
Мойныңа қарыз қарғыбауын тағып алғаннан артық ауыр нәрсе жоқ.
Тәлім-тәрбие, өсиет, тағлым туралы
Дереккөзі: «Әдеби әлем» порталы