22 Мамыр 2013, 04:27
23 мамыр күні VI Астана Экономикалық форумының делегаттары «Жұмыспен қамту-2020» бағдарламасының барысымен танысу үшін Ақмола облысына іс-сапармен барады.
Делегаттар құрамында Лайықты еңбек мәселелері жөніндегі техникалық қолдау топтары мен Халықаралық Еңбек Ұйымының Шығыс Еуропа және Орталық Азия елдері бойынша бюросының директоры Димитрина Димитрова, Тәжікстанның еңбек және әлеуметтік қорғау министрі Махмадамин Махмадаминов, Татарстанның еңбек, жұмыспен қамту және әлеуметтік қорғау министрі Айрат Шафигуллин, ҚР Еңбек және халықты әлеуметтік қорғау министрі Серік Әбденов бар.
Шетелдік қонақтар аталмыш бағдарлама аясында жүзеге асырылып жатқан нысандарды, атап айтқанда, Туризм және спорт колледжін (дуальды білім беру қағидаты, Шортанды қаласының жұмыспен қамту картасының таныстырылымы), жұмыспен қамту бағдарламасы аясында сатып алынған және осынау бағдарламаға қатысушы отбасыларға берілген көппәтерлі үйді өз көздерімен көріп, мемлекеттен микронесие алу арқылы өз кәсібін ашқан азаматтармен танысады.
Baq.kz