15 Мамыр 2013, 11:58
Қарағандыда «Қыздар арасындағы мықтылар турнирі» облыстық ашық біріншілігі аяқталды, деп хабарлайды Baq.kz тілшісі.
Жарыс 9-14 мамыр аралығында Қарағанды қаласының С.Сәпиев атындағы боксты дамыту орталығында 1995-1996 ж.т, 1997-1998 жылдары туған қыздар арасында өтті.
Турнирге еліміздің облыстарынан және Алматы мен Астана қалаларынан 128 спортшы қатысты. АИБА-ның жаңа ережелері бойынша барлығы 106 кездесу өтті.
Жеңімпаздар мен жүлдегерлер Қарағанды облысының спорт басқармасы ұсынған грамоталар мен медальдарымен, Қарағанды облыстық бокс федерациясының сыйлықтары мен 2 номинация бойынша («Үздік техникасы үшін» - Асқарова Асыл –Қарағанды, «Жеңіске деген жігері үшін» - Әлменова Ұлбала – Тараз қ.), марапатталды.