Қазақстан Президенті бірқатар мемлекет басшыларын Наурыз мерекесімен құттықтады

Қазақстан Президенті Нұрсұлтан Назарбаев бірқатар мемлекет басшыларына Наурыз мерекесіне байланысты құттықтау жеделхатын жолдады. Бұл туралы Президенттің баспасөз қызметі хабарлады.

Атап айтқанда, жеделхат Әзербайжан Республикасының Президенті Ильхам Әлиевке, Ауғанстан Ислам Республикасының Президенті Хамид Карзайға, Иран Ислам Республикасының Президенті Махмуд Ахмадинежадқа, Қырғыз Республикасының Президенті Алмазбек Атамбаевқа, Тәжікстан Республикасының Президенті Эмомали Рахмонға, Түрікменстан Президенті Гурбангулы Бердімұхамедовке, Өзбекстан Республикасының Президенті Ислам Каримовке жолданған.

«Көктемнің шуақты Наурыз мерекесі елдерімізге құт-береке, бақыт пен шаттық және гүлдену әкелсін» делінген жеделхатта.

Нұрсұлтан Назарбаев мемлекет басшыларын ортақ мейрам – Наурыз мерекесімен құттықтап, оларға зор денсаулық, еңбекте жеміс және әр бастамаларына табыс, бауырлас халықтарға бейбітшілік пен жасампаздық тіледі.

Қысқа да нұсқа. Жазылыңыз telegram - ға

Қазақстан Президенті бірқатар мемлекет басшыларын Наурыз мерекесімен құттықтады

Оқи отырыңыз

Бір отбасынан шығып, 2026 жылғы Олимпиадада чемпион атанған спортшылар

Ақ Олимпиада: Қазақстанның шынайы мүмкіндігі қандай?

11,8 млрд теңге, «Арсенал» қақпасына салынған тарихи голдар: «Қайрат» Чемпиондар лигасындағы жорығын аяқтады