20 Ақпан 2013, 06:36
Иерусалимде ІІ халықаралық мұз фестивалі басталды. Бұл жолы қала тұрғындары мен қонақтарына әлемнің көрікті жерлерін тамашалауға мүмкіндік беріліп отыр. Көрермендер назарына мұз қалашығы, мұз айдыны мен қойылымдар қойылатын алаң ұсынылады. Бір ай ішінде қаланың ескі вокзалында түрлі-түсті бояулармен көркемделген мүсіндер орнатылады. Мұз қалашығында саяхат мұздан жасалынған ұшақтан басталып, өзен, көпір, орманмен аяқталады. Саяхатшылар бірден Тадж-Махал, Ұлы Қытай қорғаны сияқты жерлерге саяхаттай алады. Экспозицияларды дайындауға 60-тан астам сәулетшілер мен дизайнерлер қатысады.