Ақтөбедегі педагогикалық білім беретін институт көптілді маман даярлау ісіне көшті. Оның ішінде нақты ғылымдарды оқыту үш тілде жүрмек.

Шәкіртті үйрету үшін, ұстаздың өзі тіл білуі керек. Сондықтан, физика және математика пәнінен дәріс беретін оқытушылар алдын ала даярлықтан өтуде. Ағылшын тілін жеделдетіп оқытатын тегін курстар ашылды. Қазір 100-ден астам оқытушы ағылшын тілін аптасына үш сағаттан үйреніп жүр. Мемлекеттік тілді оқытатын арнайы курстар да жұмысын бастады. Алайда, көптілді меңгеру үшін жаңа әдістемелік оқу -құралдары жетіспейді. Қосымша қаражат қарастырлып, оқулықтарға тапсырыс беру жоспарда бар.