Кеше Алматыдағы Орталық Азия университетінде «Қазақстан-2050» стратегиясын іске асыру мәселесі талқыланды.

Жиналғандар Мемлекет басшысының Жолдауында айтылған техникалық мамандықтар сапасын арттыру мәселесіне көп тоқталды. Осы ретте айта кетейік, Орталық Азия университетінің бірнеше ұстазы 3 жыл бойы осы салада зерттеу жүрігізіпті. Олар дамыған 30 мемлекеттің білім жүйесін, маман дайындаудағы тәжірибелерін сарапқа салған. «Нәтижесінде, Қазақстанның білім жүйесінің бірқатар кемшіліктерін анықтадық» дейді мамандар. Олардың айтуынша, бұл олқылықты жойып, сапалы техникалық маман дайындау үшін біріншіден студенттерді 2-курстан кейін міндетті түрде іріктеу қажет. Сондай-ақ, студенттердің алаңсыз сабақ оқуы үшін шәкіртақы көлемін 3 есеге көбейту керек.