Бүгін Астанада отандасымыз, белгілі кәсіпкер, «Арман» холдингінің президенті Серікбай Бисекеев жас кәсіпкерлер мен студенттерге дәріс оқыды. «Жетістік жолы» атты лекцияны Қазақстанның жас кәсіпкерлері қауымдастығы «Бизнеске жол көрсет» жобасының аясында ұйымдастырды, деп хабарлайды BNews.kz тілшісі.
Қазақстанның жас кәсіпкерлері қауымдастығы ресейлік белгілі кәсіпкер Серікбай Бисекеевті Астанаға арнайы шақырған. Ол жас кәсіпкерлер мен студенттерге бүгінгі жетістікке қалай қол жеткізгенін, бұл жолда қандай қиындықтарға тап болғанын және оларды қалай жеңгенін әңгімеледі.
Серікбай Бисекеев тек Ресейде ғана емес, бүкіл әлемде бәсекеге қабілетті танымал жоғары технологиялық өнім шығаратын ірі корпорация құрған азамат. «Арман» компаниясы B2B саласындағы жоғары технологиялық шешімдерде әлемдік көшбасшы болып табылады. 2012 жылдың қорытындысы бойынша отандасымыз Ресейдің үздік бизнесмені деп танылып, Ernst & Young ұйымдастрыған кәсіпкерлік саласындағы беделді халықаралық сыйлыққа ие болған.
«1994 жылы Ресейде алғашқы бизнесімді GSM стандарты бойынша ұялы телефондар сатуды қолға алдым. Кейін бизнесті дамыту үшін өз инновацияларымызды жасау бағытында жұмыс істедік. 2005 жылы компания өнекәсіптің түрлі салаларындағы кәсіпорындар үшін қауіпсіздік және байланыс жүйесі қондырғыларының өндірісін бастады. Келешекке үлкен жоспарларымыз бар. Алдағы үш жылда осы салада әлемдік көшбасшы болу мақсатын қойып отырмыз», - деді Серікбай Бисекеев.
Оның айтуынша, алға айқын мақсат қойып, оған жетуге ұмтылғанда ғана табысқа кенелесің.
«Арманыңа жетуге болады. Бұл әркімнің қолынан келеді. Мақсат болу керек. Бизнесті не үшін ашып жатқаныңды білген жөн. Өз кәсібіңді ашуға қорықпау керек. Қиындықтар, қателіктер болады, бірақ мақсаты айқын, ауыртпалықтан тайынбайтын адам ғана үлкен жетістіктерге жетеді»,- деді кәсіпкер.
Қазақстанның жас кәсіпкерлері қауымдастығы мұндай кездесулерді алдағы уақытта да ұйымдастыруды жоспарлап отыр.
Айымгүл Әбілева
Бүгін Астанада отандасымыз, белгілі кәсіпкер, «Арман» холдингінің президенті Серікбай Бисекеев жас кәсіпкерлер мен студенттерге дәріс оқыды. «Жетістік жолы» атты лекцияны Қазақстанның жас кәсіпкерлері қауымдастығы «Бизнеске жол көрсет» жобасының аясында ұйымдастырды, деп хабарлайды BNews.kz тілшісі.
Қазақстанның жас кәсіпкерлері қауымдастығы ресейлік белгілі кәсіпкер Серікбай Бисекеевті Астанаға арнайы шақырған. Ол жас кәсіпкерлер мен студенттерге бүгінгі жетістікке қалай қол жеткізгенін, бұл жолда қандай қиындықтарға тап болғанын және оларды қалай жеңгенін әңгімеледі.
Серікбай Бисекеев тек Ресейде ғана емес, бүкіл әлемде бәсекеге қабілетті танымал жоғары технологиялық өнім шығаратын ірі корпорация құрған азамат. «Арман» компаниясы B2B саласындағы жоғары технологиялық шешімдерде әлемдік көшбасшы болып табылады. 2012 жылдың қорытындысы бойынша отандасымыз Ресейдің үздік бизнесмені деп танылып, Ernst & Young ұйымдастрыған кәсіпкерлік саласындағы беделді халықаралық сыйлыққа ие болған.
«1994 жылы Ресейде алғашқы бизнесімді GSM стандарты бойынша ұялы телефондар сатуды қолға алдым. Кейін бизнесті дамыту үшін өз инновацияларымызды жасау бағытында жұмыс істедік. 2005 жылы компания өнекәсіптің түрлі салаларындағы кәсіпорындар үшін қауіпсіздік және байланыс жүйесі қондырғыларының өндірісін бастады. Келешекке үлкен жоспарларымыз бар. Алдағы үш жылда осы салада әлемдік көшбасшы болу мақсатын қойып отырмыз», - деді Серікбай Бисекеев.
Оның айтуынша, алға айқын мақсат қойып, оған жетуге ұмтылғанда ғана табысқа кенелесің.
«Арманыңа жетуге болады. Бұл әркімнің қолынан келеді. Мақсат болу керек. Бизнесті не үшін ашып жатқаныңды білген жөн. Өз кәсібіңді ашуға қорықпау керек. Қиындықтар, қателіктер болады, бірақ мақсаты айқын, ауыртпалықтан тайынбайтын адам ғана үлкен жетістіктерге жетеді»,- деді кәсіпкер.
Қазақстанның жас кәсіпкерлері қауымдастығы мұндай кездесулерді алдағы уақытта да ұйымдастыруды жоспарлап отыр.
Айымгүл Әбілева