12 Ақпан 2013, 16:15
Әйелдер арасындағы теннистен Қазақстан құрамасы әлемдегі ең үздік 20 команданың қатарына кірді. Жаңартылған әлемдік рейтингіде Ұлттық құрама өз көрсеткішін 5 сатыға жоғарылатып, 19-орынға орналасты. Жерлестеріміз бұндай нәтижеге Астанада өткен «Федерация Кубогінің» іріктеу сындарынан кейін қол жеткізді. Халықаралық додада Ұлттық құрама спортшылары Үндістан, Тайланд, Өзбекстан елінің теннисшілерінен басым түскен болатын. Жарыс нәтижесі бойынша қазақстандық құрама доданың плей-офф кезеңіне өтіп, сәуір айында жарысты жалғастырады. Ал жаңа көрсеткіштің топ басында Чехия, Италия және Ресей елдерінің құрамалары тұр.