Облыс әкімінің басшылығымен жедел штаб жұмыс істеп жатыр, деп хабарлайды El.kz ақпарат агенттігі.
Бүгін, 13 шілдеде сағат 16.12-де Бурабай ауданындағы «Көкше» тауында орман төсемі өртенді.
Алдын ала болжам бойынша жану алаңы 0,14 гектарды құрады.
Өртті сөндіруге Ақмола облысы ТЖД және «Бурабай» мемлекеттік ұлттық табиғи паркінен 120-дан астам адам мен техника жұмылдырылды. Сонымен қатар, өртті сөндіруге су ағызу құрылғысы бар Қазавиақұтқару тікұшағы тартылды.
Өрт сағат 18.25-те оқшауланды.
Оқиға орнында Ақмола облысының әкімі Ермек Маржықпаевтың басшылығымен жедел штаб құрылды.