Қазақстанда жыл сайын 1 қыркүйек – Білім күні кең көлемде аталып өтеді. Бұл күн – тек оқушылар мен студенттердің жаңа оқу жылын бастауы ғана емес, бүкіл қоғам үшін ерекше мәнге ие тарихи әрі мәдени мереке. Себебі білім беру – елдің әлеуметтік-экономикалық дамуының, ұлттық қауіпсіздігі мен болашағының негізгі тірегі, деп хабарлайды El.kz интернет порталы.
Қазақстанда Білім күні кеңес дәуірінен бері дәстүрлі түрде 1 қыркүйекте тойланып келеді. Бұл күннің басты ерекшелігі – барша оқушы, студент, мұғалім мен ата-ананың ортақ қуанышқа бірігуі. Жаңа оқу жылы – жаңа жоспарлар мен жаңа мақсаттарға бастайтын кезең.
Әсіресе мектеп табалдырығын алғаш аттаған бүлдіршіндер үшін бұл күн өмірлік естелікке айналады.
2025-2026 оқу жылы қазақстандық білім саласына бірнеше жаңашылдықтар әкелмек. Соның ішінде ең маңыздысы – оқу үдерісіне жасанды интеллект (ЖИ) элементтерін енгізу.
Бұл – оқушылардың цифрлық сауаттылығын арттырумен қатар, болашақтағы еңбек нарығына дайын болуын қамтамасыз ететін қадам. Сонымен қатар:
Бұл шаралардың барлығы қазақстандық білім беру жүйесінің заманауи талаптарға бейімделуін көрсетеді.
Білім күні – тек оқушылардың мерекесі емес. Бұл – ұстаз еңбегіне құрмет көрсету күні де. Қазақстанда мұғалім мәртебесі туралы заң қабылданғаннан кейін педагогтердің әлеуметтік жағдайын жақсарту бойынша бірқатар қадамдар жасалды. Дегенмен мұғалімдерге түсетін жүктеме, білім сапасының әркелкілігі және ауыл мектептеріндегі мәселелер әлі де өзекті болып отыр.
1 қыркүйек – Қазақстандағы білім беру саласының басты символдық күні. Ол қоғамның назарын білімнің стратегиялық рөліне аударады. Жаңа оқу жылы тек балалар үшін ғана емес, бүкіл ел үшін жаңа белестердің бастауы болуы тиіс.
Білім жүйесінің жаңаруы, жаңа технологиялардың енгізілуі және балалардың құқығын қорғау бағытындағы қадамдар – еліміздің келешегіне салынған инвестиция.