Қазақстан пайдалы қазбалар (вольфрам, хром, уран, марганец, мырыш және қорғасын) қоры бойынша әлемде жетекші орында. Пайдалы қазбалардың көптеген түрлерінің расталған қоры бойынша республика әлемдегі жетекші елдердің алғашқы ондығына кіреді. Канадалық тарап Қазақстанның жобаларын инвестициялауға мүдделі болған жағдайда, біз жекелеген келіссөздерді ұйымдастыруға және көрсетілген жобалар бойынша егжей-тегжейлі ақпарат беруге дайынбыз, - деп атап өтті министр өзінің алғы сөзінде.
Сонымен қатар, С. Брекешев қазіргі уақытта процестерді цифрландыру және автоматтандыру шеңберінде Экология министрлігі цифрлық даму, Индустрия және инфрақұрылымдық даму министрліктерімен бірлесіп, жер қойнауын пайдалану саласындағы барлық қолданыстағы ақпараттық жүйелерді (ҰБҚ АЖ, ТЖҚ МАЖ, БМБЖ АЖ) біріктіру және көшіру арқылы «Kaznedra» бірыңғай платформасын құру бойынша жұмыс жүргізіліп жатқанын хабарлады.
Бірыңғай платформа барлық процестер мен қызметтерді бірыңғай терезеде шоғырландыру арқылы инвесторларға кешенді сервистік қолдау көрсетуге ықпал ететін болады.
Өз кезегінде, Елші қазақстандық тарапты ағымдағы жылдың қазан айында Нұр-сұлтан қаласында өтетін Қазақстандық-канадалық іскерлік кеңеске қатысуға шақырды.