БҚО құтқарушылары жоғалған ер адамды аман-есен тапты, деп хабарлайды El.kz ақпарат агенттігі.
Батыс Қазақстан облысы Бәйтерек ауданы Чувашка ауылында күндіз үйден шығып, қайта оралмаған 1998 жылы туған ер адамды іздестіру үшін құтқарушылар шұғыл іске кірісті.
Іздеу операциясына Трэкол жол талғамайтын көлігі, дрон және кинологиялық есеп жұмылдырылды. Түнде Чувашка мен Красный Урал ауылдарының арасындағы айдалада ер адам табылып, қауіпсіз жерге жеткізілді. Медициналық көмек қажет болмаған.