Батыс Қазақстан облысында жантүршігерлік жол апатынан бір адам қаза тапты, деп хабарлайды EL.kz ақпарат агенттігі.

БҚО Полиция департаменті баспасөз қызметінің хабарлауынша, төрт адам жарақат алды. Оқиға Казталов аумағында болған.

Казталов-Жәнібек-РФ шекарасы жолында «ВАЗ-2110» автокөлігінің жүргізушісі жүк көлігін басып озамын деп, қарсы бетке шығып кетіп, «Шевроле Лачети» автокөлігімен соқтығысқан. Жол апаты салдарынан 1 адам көз жұмды. Түрлі жарақат алған төрт адам Казталов аудандық ауруханасына жеткізілді, – деп хабарлады ведомстводан.

Аталмыш дерек бойынша ҚР ҚК 345-бабы 3-бөлігіне сәйкес сотқа дейінгі тергеу амалдары жүргізіліп жатыр.