Батыс Қазақстан облысында бір үйір жылқы суға батып кете жаздады, деп хабарлайды El.kz ақпарат агенттігі.
Жайылым кезінде жылқышылар малдан көз жазып қалып, жылқылар Жайық өзенінде батып кете жаздаған.
Құтқарушылар жергілікті атқарушы органдармен бірге жануарларды суға батып кетуден құтқарып, қауіпсіз жерге айдап шығарған. Барлығы 365 жылқы, оның ішінде 31 құлын құтқарылды.
ТЖМ мәліметінше, құлындар үшін судың тереңдігі қауіпті болғандықтан олар қайықпен тасымалданған.
Алғашында жануарлар келген құтқарушылардан үркіп қашқанымен, кейін қайыққа апаратын жолмен жүре бастапты.