Батыс Қазақстан облысында 48 жыл отасқан әйелін ұрып өлтірді деп күдікке ілінген зейнеткерге қатысты сот үкім кесті, деп хабарлайды El.kz ақпарат агенттігі.
Мамандандырылған ауданаралық қылмыстық сотта 73 жастағы ер адам әйелін өлтіргені үшін кінәлі деп танылды. Оған 10 жылға бас бостандығынан айыру жазасы тағайындалды
Ззейнеткер алдымен жұбайын пәтерде ұрып, артынан баумен тұншықтырған, сосын қолымен тұншықтырып өлтірген.
Сот отырысында сотталушы өзінің іс-әрекетіне өкінетінін және жасалған қылмысты мойындайтынын айтты. Сотта мұндай мерзім оның жасына байланысты тағайындалғаны айтылды.
Үкім заңды күшіне енді.