Белгілі кенші, Қазақстанның Еңбек Ері Рышат Әміренов Павлодар облысының Екібастұз қаласына қарасты Ақкөл ауылына барып, елдің тыныс-тіршілігімен танысты. Ақкөл елді мекенінде 39 кәсіпкерлік субъектісі тіркелген. Оның 12-і жеке кәсіпкер, 27-і шаруа қожалығы. Шаруалардың бірқатары жеңілдетілген лизинг бағдарламасы бойынша ауыл шаруашылығы техникаларын сатып алған. Сондай-ақ ауыл шаруашылығын субсидиялау бағдарламалары бойынша мемлекеттен қолдау көріп отыр.