Қазақстандағы болашақ атом станциясының қауіпсіздігін ұлттық органдар ғана емес, тәуелсіз халықаралық сарапшылар да тексеретін болады, деп хабарлайды El.kz интернет порталы.

Бұл туралы Атом энергиясы жөніндегі агенттіктің төрағасы Алмасадам Сәтқалиев мәлімдеді.

Оның айтуынша, Қазақстан ядролық қауіпсіздік жөніндегі халықаралық конвенциялар шеңберінде өз міндеттемелерін сақтайды және жобаға АЭХА сарапшыларын тартуға ниетті.

Ұйым шолу миссияларын өткізуге, сараптамалық бағалаулар мен техникалық көмек көрсетуге, сондай-ақ төтенше жағдайларды жою жүйесін талдау үшін EPREV миссиясын елге жіберуге дайын, деп жазады агенттіктің баспасөз қызметі 2025 жылдың 28 қыркүйегінде.