Қазақстандық боксшы Мадина Нұрашева Польшада өткен Silesian Open-2023 турнирінің жеңімпазы болды, деп хабарлайды El.kz ақпарат агенттігі.
70 келіге дейінгі салмақ санатындағы Мадина Нұрашева ақтық кездесуде польшалық Патрисия Гживиньскамен жұдырықтасты. Жекпе-жек қазақстандық боксшының жеңісімен мерзімінен бұрын аяқталды: бірінші раундта ол қарсыласын нокдаунға жіберді, ал екінші раундта рефери П.Гживиньсканың жағдайын ескеріп, айқасты тоқтатуға мәжбүр болды.
Осылайша, Мадина Нұрашева Silesian Open-2023 турнирінің алтын медалін жеңіп алды.