«Қазақстан» шахтасында орын алған өрттен кейін Қарағанды облысында биыл Шахтерлер күні жылдағыдай тойланбайтын болды, деп хабарлайды El.kz ақпарат агенттігі.
Аймақта кеншілер мерекесіне арналған іс-шаралар тоқтатылады.
«Қазақстан» шахтасындағы қайғылы оқиғаға байланысты Шахтер күніне арналған барлық салтанатты іс-шаралар тоқтатылады, - деп хабарлады Қарағанды облысының әкімдігі.
Еске, сала кетейік 17 тамыз күні «Қазақстан» шахтасында конвейер лентасы жанып, 5 кенші көз жұмды. Қазіргі уақытта өртті сөндіру мүмкін болмағандықтан шахта оқшауланды.