Биыл еліміздің бірнеше өңірінде құрылыс қарқыны артты. Бұл туралы Үкімет отырысында Ұлттық экономика вице-министрі Азамат Әмрин айтты, деп хабарлайды El.kz  ақпарат агенттігі.

Биыл 10 млн шаршы метр тұрғын үй пайдалануға берілді, бұл өткен жылдың сәйкес кезеңімен салыстырғанда 13%-ке жоғары. Тұрғын үйді пайдалануға берудің ең жоғары көрсеткіштері Ұлытау және Абай облыстарында, сондай-ақ Астана және Алматы қалаларында байқалды, - деді вице-министр.

Әмриннің сөзіне қарағанда, биылғы құрылыс жұмыстарының көлемі 11,4%-ке ұлғайған. Әсіресе құрылыс-монтаждау жұмыстарының ең көп өсуі Жетісу, Батыс Қазақстан, Қызылорда және Абай облыстарында байқалған.