"Баспаналы болды". Шерзат Болаттың әпкесі қазақ халқына алғыс айтты

Марқұм Шерзат Болаттың әпкесі Перизат Нұрымованың отбасы баспаналы болды. Олар қазақстандықтарға алғыс білдірді, деп хабарлайды El.kz ақпарат агенттігі.

Сүйінші жаңалықты белсенді Дінмұхамед Қаматай әлеуметтік желідегі парақшасында бөлісті.

Бұл үй тек баспана ғана емес, ол – жаңа өмірдің бастауы. Алты баланың батыр анасы Перизаттың қолдауы болған сіздер. Бұл қадам олар үшін жай ғана баспана емес, болашаққа деген сенім мен жаңа өмірге қадам басуға мүмкіндік береді. Қоғамдық бірліктің маңыздылығын көрсету үшін, осындай жағдайда қолдау көрсету әрқайсымыз үшін маңызды. Біз Перизаттың отбасына қиын сәтте көмек көрсетіп, оларды жалғыз қалдырмайтынымызды білдіргіміз келеді. Бұл бастаманы қолдаған барлық жанашырларға алғыс айтамыз!", - деді Дінмұхамед Қаматай.

Перизат Нұрымова да игі іске мұрындық болған қазақстандықтарға алғыс білдірді.

Барша халқыма алғысым шексіз. Үлес қосып, бізге көмектескен жанашыр халқыма алғыс айтамын, - деді Шерзаттың әпкесі.