Қазақстанда несие беру тәртібі қатаңдатылады, деп хабарлайды El.kz ақпарат агенттігі Ұлттық банкке сілтеме жасап.
Бұл елімізде несие көлемін азайту үшін жасалып отырған қадам. Ұлттық банк ол үшін заңға қандай өзгерістер әзірленіп жатқанын айтты. Ең алдымен несие алушының табысына қатысты талап күшейтілмек.
Банктер қазіргідей қарызды оңды-солды бере бермейді. Клиенттің ресми табысын ескеріп беруге міндеттелмек. Бұл адамдарға артық қарыз беруді шектейді дегенді алға тартады мамандар. Сондай-ақ сарбаздарға несие беруге тыйым салынбақ.
Әрі банктер мен микроқаржылық ұйымдар бұдан былай қарызды өндіру бойынша коллекторлық компанияларға жүгіне алмауы мүмкін.