«Балбырауын» — Құрманғазы Сағырбайұлының ел арасында кең таралған күйлерінің бірі. Мұны Құрманғазы жас кезінде шығарған. Сондықтан болар, бұл күй әуені от жалындай қызу мен дүрілдеген екпінге, делебеңді қоздыратын күш-қуат пен жігерге толы. Күй зерттеушілері күйдің атауы бастапқыда «балбыр ауан» яғни маужырату, балбырату, жан дүниеңді балқыту дегенді білдірген дейді. Бұл күй ауыл жастарының ойын-сауығына арналған.