Семсерлесуден сапында Руслан Құрбанов, Эльмир Әлімжанов, Ерік Сартай, Вадим Шарлаимов бар Қазақстанның ерлер құрамасы Азиада-2023 күміс медалін жеңіп алды, деп хабарлайды El.kz ақпарат агенттігі.
Бұл туралы ҚР Туризм және спорт министрлігінің баспасөз қызметі мәлімдеді.
Финалда еліміздің спортшылары Жапония командасынан ұтылды. Қорытынды есеп – 36:35.
Бұл Азия ойындарындағы Қазақстан командасының семсерлесудегі үшінші медалі. Кеше еліміздің спортшылары командалық жарыста қола жүлдеге ие болған еді.
Кеше семсерлесуші Эльмир Әлімжанов жекелей сында үшінші орынға табан тіреді.