Азаматтық қорғау жүйесін жетілдіру бойынша айтарлықтай жұмыс жүргізілді. Бұл туралы Орталық коммуникациялар қызметінде өткен брифингте Төтенше жағдайлар бірінші вице-министрі Ибрагим Күлшімбаев айтты, деп хабарлайды El.kz.
1995 жылғы 19 қазанда табиғи және техногендік сипаттағы ТЖ және елдің азаматтық қорғанысы саласындағы уәкілетті орталық атқарушы орган ретінде ҚР ТЖ жөніндегі мемлекеттік комитеті құрылды. Бұл күн Азаматтық қорғау жүйесінің кәсіби мерекесі – Құтқарушы күні болып табылады. Биыл азаматтық қорғау органдарына 27 жыл.
«Ширек ғасырда елдің азаматтық қорғау жүйесін жетілдіру бойынша айтарлықтай жұмыс жүргізілді. Бұл - заңнаманы қабылдау, төтенше жағдайлардан қорғау үшін жаңа объектілер салу, құтқару және өрт сөндіру техникасы мен жабдықтарын сатып алу, Азаматтық қорғау органдары қызметкерлерінің жалақысын арттыру, қызмет өткеру жағдайларын жақсарту, кәсіби кадрларды даярлау, өрт сөндіру-құтқару спорты мен халықаралық ынтымақтастықты дамыту. Қазіргі жағдайда ТЖМ өзінің аумақтық бөлімшелерімен және ведомстволық бағынысты ұйымдармен күштермен және құралдармен табиғи және техногендік сипаттағы төтенше жағдайларға ден қою жөнінде жедел қызмет білдіреді. Тұрақты сұраныс пен тәулік бойы дайындықтың күштері мен құралдары, жарақтау, өрт сөндіру, авариялық құтқару және арнайы техникалық жабдық пен жарақ бар», - деді ҚР Төтенше жағдайлар бірінші вице-министрі Ибрагим Күлшімбаев Орталық коммуникациялар қызметі алаңында.