1 тамыздағы жағдай бойынша Қазақстанда 496 мың заңды тұлға тіркелген, деп хабарлайды El.kz Статистика комитетіне сілтеме жасап.
Өткен жылмен салыстырғанда олардың саны 5%-ға (472 мың) өсті. Оның 375 мыңы жұмыс істеп тұрған заңды тұлға мәртебесіне ие.
Егер қызметкерлердің санына байланысты олардың көлемі бойынша бөліп қарасақ, шағын кәсіпорындардың саны басым: Шағын – 488 мың (100 адамға дейін) Орта – 6,4 мың (101-ден 250 адамға дейін) Ірі – 2,4 мың (250 адамнан астам)
Меншік нысандары бойынша компаниялардың негізгі үлесі жекеменшік: 5% – мемлекеттік 87,5% – жекеменшік 7,2% – шетелдік Кәсіпорындардың көпшілігі көтерме және бөлшек сауда; автомобильдер мен мотоциклдерді жөндеу салаларында жұмыс істейді – 140 мың.
Ең азы – өнер, ойы-сауық және демалыс саласында – 7 мың. Өңірлер бөлінісінде заңды тұлғалардың басым бөлігі Алматы және Нұр-Сұлтан қалаларында тіркелген, тиісінше 137 мың және 90 мың. Үшінші орында Қарағанды облысы – 28 мың субъект. Кәсіпорындардың ең аз саны Жетісу және Абай облыстарында – әрқайсысында 7,8 мыңнан.