«Ауыл» ХДПП Орталық аппаратында партия Саяси кеңесі Президиумының отырысы өтті, деп хабарлайды партияның баспасөз қызметіне сілтеме жасап El.kz ақпарат агенттігі.
Жиынға аталған партияның Саяси кеңес мүшелері қатысты.
Төралқа отырысында «Ауыл» партиясының XXIV съезін 2024 жылдың 21 маусымында Ақмола облысы Зеренді ауылында шақыру туралы қаулы қабылданды және оның күн тәртібі бекітілді. Күн тәртібі бойынша съезде партия Саяси кеңесінің есебі тыңдалып, партияның жаңа редакциядағы Жарғысы, жаңа саяси бағдарламасы және тағы да басқа мәселелер талқыланады.