Құтқарушыларға арналған жаңа техника шалғайдағы ауылдардың қауіпсіздігін қамтамасыз етеді, деп хабарлайды El.kz ақпарат агенттігі.

Бүгін Атырауда өңірдің құтқарушылары жаңа техника алды. Мамандандырылған автомобильдерді тапсыру төтенше жағдайлар министрі Шыңғыс Әріновтің қатысты.

Бұл техниканы беру Қасым-Жомарт Тоқаевтың азаматтық қорғау органдарын материалдық-техникалық жарақтандыруды нығайту жөніндегі тапсырмаларын іске асырудағы маңызды қадам болып отыр. Жаңа автокөлік төтенше жағдайлар кезінде табиғи апаттардан техногендік аварияларға дейін шалғайдағы ауылдық елді мекендерде халықтың қауіпсіздігін қамтамасыз ететін болады.

Қажет болған жағдайда көмектің әрқашан уақтылы келуін қамтамасыз ету біздің басты міндетіміз. Біз кез келген қиындыққа дайын болуымыз керек, жаңа техника кез келген төтенше жағдайға жедел ден қоюға көмектеседі. Біз ең шалғай аудандарда жоғары дайындық пен тиімділікті қамтамасыз ету үшін ауылдық бөлімшелерді белсенді түрде жарақтап жатырмыз. Егер бұл техника кем дегенде бір адамның өмірін құтқарып қалса, онда ол өзін толығымен ақтағаны, - деді Шыңғыс Әрінов.

Сонымен қатар министр жергілікті билікке ТЖД автопаркін жаңартуға және өңірдің инфрақұрылымын дамытуға белсенді қолдау көрсеткені үшін алғысын білдірді.

Жұмыс сапары аясында азаматтық қорғау бөлімшелерінің техникалық жарақталуын одан әрі нығайту жөніндегі шаралар да талқыланды. Инфрақұрылымды дамытуға және кадрларды даярлауға ерекше назар аударылды, бұл техниканы жаңартумен бірге жүйенің кез келген қауіп-қатерге ден қоюға жалпы дайындығын арттыруға бағытталған.