Елордада оқушылар арасында жас құтқарушылардың қалалық жарысы өтті, деп хабарлайды El.kz ақпарат агенттігі.

Іс-шараға қаланың оқу орындарынан алты команда қатысып, әрқайсысы жоғары дайындық деңгейін, іс-қимылдардың үйлесімділігін және тіршілік қауіпсіздігі негіздері жөніндегі білімдерін көрсетті.

Табанды күрестің қорытындысы бойынша №17 мектеп-гимназиясының командасы жеңіске жетті, екінші орынды №13 орта мектептің жас құтқарушылары, ал үшінші орынды №65 мектеп-гимназиясының командасы иеленді, - деп жазылған ТЖМ хабарламасында.

Жас құтқарушылардың қалалық жарыстары спорт пен оқытуды қалай тиімді біріктіруге болатындығын көрсетті.