Елордада сатып алу құқығынсыз жалға берілетін тұрғын үй иелерінің тізімі шықты, деп хабарлайды EL.kz ақпарат агенттігі.

Тұрғын үй инспекциясы басқармасының сайтында көпбалалы отбасылар, жетім балалар, ата-ана қамқорлығынсыз қалған балалар және халықтың әлеуметтік осал топтары санаттарына жалға берілетін баспана бағдарламасының нәтижесі жарияланған.

Үш санаттың әрқайсысындағы тізімдер екіге бөлінеді: өткен және өтпеген. Бағдарлама бойынша өткен азаматтарға тұрғын үй орталығының қызметкерлері хабарласып, одан әрі қарайғы іс-қимылды түсіндіреді.

Халықтың әлеуметтік осал топтарының санаттары үшін қалған 76 бір бөлмелі пәтер бойынша іріктеу жалғасып жатыр.

Тізімді мына сілтемеден көруге болады.