Астанада Kaspi Банкі бөлімшелерінің біріне қарулы адам басын кіргеннен кейін жауапты тарап мәлімдеме жасады, деп хабарлайды El.kz ақпарат агенттігі.
Kaspi Банкі аталған жағдайға түсініктеме, банк бөлімшесінің ішінде клинеттер жоғын атады.
Қазіргі уақытта бөлімшеде тек банк қызметкерлері бар, басқа клиенттер жоқ. Құқық қорғау органдарының өкілдері қызметкерлерге қауіп төндіретін адаммен келіссөздер жүргізуде. Полиция мен банктің барлық күштері ешкімге зиян келтірмеуге бағытталған. Кез келген ақпаратты таратуға жауапкершілікпен қарауды және құқық қорғау органдарының жұмысына кедергі келтірмеуді сұраймыз. Кез келген дұрыс емес ақпарат жағдайдың шиеленісуіне әкелуі мүмкін, - деп жазылған банк таратқан ақпаратта.
Бұған дейін Астанада көпқабатты үйдің астындағы банк бөлімшесіне қарулы ер адам кіріп, есікті іштен бекітіп алғаны туралы айтылған еді. Ал ғимарат ішінде банктің бірнеше қызметкері болған.