Астана әкімдігі елордада өтетін Дүниежүзілік көшпенділер ойындарына байланысты оқушылар мен студенттердің жазғы каникулының ұзартылмайтынын мәлімдеді, деп хабарлайды El.kz ақпарат агенттігі.
Бұл туралы қала билігі Telegram-арнасында тиісті мәлімдеме жасады.
Жаңа оқу жылы (мектеп оқушылары, студенттер) штаттық режимде 1 қыркүйек күні басталады. Дүниежүзілік көшпенділер ойындарының өтуіне байланысты жазғы демалыс ұзартылмайды, - деді әкімдік.
Айта кетсек, бұған дейін Астанада осы спорттық іс-шараға байланысты оқу жылының басталуын 1 қыркүйектен кешіктіру мүмкіндігі қарастырылып жатқаны хабарланған болатын.