Елордалық кәсіпкерлер «Таза Қазақстан» акциясына қатысты. Олар Республика даңғылында жаппай сенбілікке шықты, деп хабарлайды El.kz ақпарат агенттігі.

Кафелер, дүкендер және басқа да компаниялардың қызметкерлері қаланың тыныс-тіршілігі үшін тазалықтың маңыздылығын атап өтіп, айналасын ретке келтірді.

Ұжыммен бірге ай сайын сенбіліктер өткіземіз. Республика даңғылы – қаламыздың басты көшелерінің бірі және әрбір кәсіпкер өз аумағында тазалықты қадағалауы тиіс, – деді пиццериялар желісінің менеджері Алтынбек Өмірзақ.

Бастама қаланың Инвестициялар және кәсіпкерлікті дамыту басқармасының қолдауымен «Таза Қазақстан» экологиялық акциясы аясында іске асырылды.