Астанада City Transportation Systems көлік компаниясы елордалықтар мен қала қонақтарына ескерту жасады, деп хабарлайды El.kz ақпарат агенттігі.
Көлік компаниясының мәліметінше, 6 қазанда «Жастар сарайы» (екі бағытта) және «Сарыарқа ауданының ХҚКО» (Кенесары көшесі бағытында) аялдамалары уақытша жабылды. Бұған жөндеу жұмыстары себеп болып отыр.
Жөндеу жұмыстарын жүргізуге байланысты № 2, 3, 5, 5А, 8, 17, 19, 33, 37, 40, 45, 53, 54, 71, 73 бағыттағы автобустар уақытша жолаушыларды отырғызу және түсіру жүргізбейді,-делінген көлік компаниясының мәліметінде.