Цифрлық даму, инновациялар және аэроғарыш өнеркәсібі министрлігі Астана аумағында байланыс сапасын жақсарту мақсатында жоспарлы жұмыстар жүргізіліп жатқанын мәлімдеді, деп хабарлайды El.kz ақпарат агенттігі.
Жексенбі, 10 желтоқсан және Сейсенбі, 12 желтоқсан күндері Астанада байланыс операторларының желісінде ақау тіркелді. Өз кезегінде, провайдер ақауды дер кезінде ретке келтірді және қазіргі уақытта барлық қызметтер тұрақты жұмыс істеп тұр.
Қазіргі уақытта елорда аумағында телекоммуникация желілерін жаңғырту жұмыстары жүргізілуде. Бұл жұмыстар байланыс сапасын жақсартуға және интернет жылдамдығын арттыруға бағытталған.