Бұл туралы «Астана қаласы Коммуникациялар қызметінің» баспасөз орталығында айтылды, деп хабарлайды El.kz ақпараттық агенттігі.
«Арғымақ» ат-спорттық сауықтыру кешені 2022 жылдың 25 қазан айында Республика күніне орай ашылған. Аталған кешен орны 2023 жылдың көктемнен бастап жұмыс істейді деп жарияланды. Оның басты мақсаты – адамдардың қасиетті жылқы малымен қарым-қатынасын жақсарту, мүмкіндіктерін кеңейту.
«Арғымақ» ат-спорттық сауықтыру кешенінің басшысы Арман Мусипов ипподромның қаланың сыртындағы ыңғайлы жерде орналасқанын айтты.
«Кешенде жылқыларды ұстауға жақсы жағдай жасалған. Мұнда 3 жеке жарық ат қорасы бар. Оған қоса жаттықтыру алаңы, төрешілер орны, 600 орынық трибуна, 60 орын мүмкіндігі шектеулі жандарға арналған жер де осында орналасқан», - деді Арман Серікбекұлы.
«Арғымақ» ат-спорттық сауықтыру кешені 2023 жылдың 26 ақпанында «Арғымақ» ашық кубогы турнирі өткізеді. Оған 50 адам қатысады. Сондай-ақ Халықаралық әйелдер күні мерекесіне орай 8-наурызда әйелдер арасында конкур жарысы болады.