Бүгін, 26 шілдеде, Париж жазғы Олимпиада ойындарының салтанатты ашылуы өтеді. Іс-шара Астананың бірнеше нүктесінде тікелей эфирде көрсетіледі, деп хабарлайды El.kz ақпарат агенттігі.
Елорда әкімдігінің мәліметінше, сағат 22:15-те тікелей эфирде олимпиаданың салтанатты ашылуын елорданың мына орындарында көруге болады:
- Орталық саябақтағы «Қазақстандық күн» (сағат) монументінің аумағында;
- Mega Silkway лед экраны (ЭКСПО жағынан);
- Тұран даңғылы - Қонаев көшесі;
- Б. Момышұлы даңғылы - Тәуелсіздік даңғылы;
- ЭКСПО аумағындағы экран;
- Арбат (Жағалау).