Беларусь Республикасының Президенті Александр Лукашенко жоспарланған халықаралық іс-шараларға қатысу үшін Астанаға келді, деп хабарлайды El.kz Үкіметтің баспасөз қызметіне сілтеме жасап.
Елорда әуежайында оны ҚР Премьер-Министрі Әлихан Смайылов қарсы алды. Астанада Александр Лукашенко Азиядағы өзара іс-қимыл және сенім шаралары жөніндегі VI саммитке АӨСШК бақылаушы мемлекет басшысы ретінде және ТМД мемлекеттері басшылары кеңесінің отырысына қатысады.