«AsiaCredit Bank» АҚ-ның мүлкін ұрлау бойынша тергеу жүріп жатыр, – деп хабарлайды El.kz. Бұл туралы Қаржылық мониторинг агенттігі мәлімдеді.
– Агенттік Алматы қаласы бойынша департаменті «AsiaCredit Bank» АҚ-ның мүлкін ұрлау дерегіне қатысты ҚР ҚК 190-бабы 4-бөлігі 2-тармағы бойынша сотқа дейінгі тергеу амалдарын жүргізуде, – делінген Агенттік хабарламасында.
Еске салайық, Қазақстан Республикасының Қаржы нарығын реттеу және дамыту агенттігі басқармасының 2021 жылғы 11 ақпандағы № 22 қаулысына сәйкес «AsiaCredit Bank» АҚ лицензиясынан айырылған болатын.