Ұлттық музейдің бұрынғы директоры, 8 жылға бас бостандығынан айырылған Арыстанбек Мұхамедиұлының адвокаты 2 айға қамауға алынды, деп хабарлайды El.kz ақпарат агенттігі.
2023 жылғы 3 шілдеде Астана қаласының мамандандырылған ауданаралық тергеу соты күдікті М. Тулеевті 2 ай мерзімге күзетпен ұстау түріндегі бұлтартпау шарасын санкциялады, - делінген Астана сотының хабарламасында.
Еске сала кетейік, Сыбайлас жемқорлық қарсы іс-қимыл агенттігі Арыстанбек Мұхамедиұлының адвокаты пара беруге итермелеу күдігіне ілінгенін айтқан болатын. Сондай-ақ А. Мұхамедиұлының әйелі пара беруге оқталды деген күдікке ілінді.