Қарағанды облысында жоқ тауарды сатқан алаяқтар ұсталды, – деп хабарлайды El.kz порталы Polisia.kz-ке сілтеме жасап.
Қарағанды облысының Теміртау қаласының ПБ Шығыс полиция бөліміне 36 жастағы қала тұрғынының өтініші келіп түсті. Ол белгісіз адамның алаяқтық әрекеттерінің құрбаны болғанын хабарлады. Белгілі болғандай, әйел А4 форматындағы қағаздың едәуір көлемін сатып алуды жоспарлаған.
Интернетте жәбірленуші жарнаманы тапқан, оның авторы қажетті өнімді қолайлы бағамен ұсынған. Ол әйелдің сенімін оятып, сатып алушы сатушыға 700 мың теңге аударған. Бірақ келісілген уақытта өтініш берушіге қағазды бермеген. Алданып қалғанын түсінген жәбірленуші полицияға жүгінді.
Аталған фактімен ҚР ҚК 190-бабы (Алаяқтық) бойынша қылмыстық іс қозғалды. Жедел-іздестіру іс-шаралары барысында криминалдық полиция қызметкерлері күдікті ретінде 32 жастағы әйелді анықтап, ұстады. Сондай-ақ, алаяқтың қулығына Шахтинск қаласының 23 жастағы тұрғыны түскен. Ол тауарды жеткізуге уәде берген ер адаммен қарым-қатынас жасаған. Жәбірленуші оған сеніп, шамамен 1,5 млн теңге берген. Көп ұзамай алаяқ байланысын тоқтатқан.
Жәбірленуші полицияға хабарласып, ҚР ҚК 190-бабы (Алаяқтық) бойынша қылмыстық іс қозғады. Жедел-іздестіру шаралары барысында криминалдық полиция қызметкерлері күдікті ретінде 25 жастағы ер адамды ұстады.
Ол алынған қаражатты өз пайдасына пайдаланғанын түсіндіріп, кінәсін мойындады. Күдікті уақытша ұстау изоляторына қамалды. Тергеу амалдары жүргізіліп жатыр.