Ақтөбе полицейлері үш зейнеткерді алдаған жас жігітті ұстады, деп хабарлайды El.kz ақпарат агенттігі.
ҚР ІІМ мәліметінше, алданған зейнеткерлер 83, 87 және 90 жаста. Алаяқ құрбандарына жақын туысының жол-апатына түскенін айтып алдап, осы мәселені шешуде қол ұшын созатынын айтқан. Нәтижесінде егде жастағы жәбірленушілер жиналған барлық жинағынан айырылып, жалпы шығын 5 млн теңгеден асты.
Жедел-тергеу іс-шаралары барысында Ақтау қаласының 18 жастағы тұрғыны анықталып, ұсталды. Қазақстан Республикасының ҚК-нің 4-тармағының 190-бабы 3-бөлігі бойынша сотқа дейінгі тергеп-тексеру жүргізіледі - «ірі мөлшерде, екі және одан да көп адамға қатысты алаяқтық», - делінген мәліметте.
ҚПК-нің 201-бабына сәйкес сотқа дейінгі тергеп-тексеру деректері жария етілуге жатпайды.