Ақтөбе облысының әкімі Ералы Тоғжанов жылыту маусымын өткізу мәселелерін бақылауда, деп хабарлайды El.kz ақпарат агенттігі облыс әкімдігінің баспасөз қызметіне сілтеме жасап.
Халықтың арыз-шағымдары мен өтініштеріне назар аудару мақсатында өңір басшысы құрамына Ақтөбе облыстық және қалалық тұрғын-үй коммуналдық шаруашылығы мекемесі, «ҚазТрансГазАймақ» өкілдері кіретін комиссия құрды.
Комиссия мүшелері тәулік бойы тұрғындар тарапынан түскен шақыртуларға барады, көгілдір отынды үздіксіз беру мәселелерін шешеді.
Қазіргі уақытта газ үйлерге үздіксіз жеткізіліп отыр.