ТЖМ құтқарушылары 48 адамды эвакуациялады, деп хабарлайды El.kz ақпарат агенттігі.

ТЖМ мәліметінше, бүгін 112 пультіне Ақтөбе облысы Ырғыз ауданы «Шымкент-Мәскеу» маршрутымен бара жатқан автобустың сынып, тоқтап қалғаны туралы хабарлама келіп түсті.

Дереу шақырту орнына жеткен құтқарушылар көлік  құралында 48 адам барын, соның ішінде 21-і Өзбекстан Республикасының азаматтары екенін анықтады. ТЖМ қызметкерлері барлығын вахталық автобуспен эвакуациялап, жақын жылыту пунктіне жеткізді, - делінген мәліметте.

Оқиға салдарынан ешкім зардап шеккен жоқ.