Бүгін Ақтөбе облысы Қобда ауданы Бегалы ауылында 25 тонна жиналған шөп өртенді, деп хабарлайды El.kz ақпарат агенттігі.
Бұл туралы Төтенше жағдайлар министрлігі мәлімдеді.
Өрт сөндірушілер мүмкіндігінше қысқа уақыт ішінде 60 км жолды еңсеріп, 80 шаршы метр аумақтағы өртті толығымен жойды. Зардап шеккендер жоқ, себебі анықталуда, - делінген ведомствоның ақпаратында.
ТЖМ әрқашан және барлық жерде қауіпсіздік күзетінде тұрғанын айтты.